يابنت أنتي بنت ناس هوامير
وأنا بدوي عايش مع البوش ف البر
أنتي بفله من الزهر و النوافير
وأنا بعريش و حوله الغاف الأخضر
----------------------------------
أنتي تلفين المدينة بالعصير
وأنا أدور بنت ظبيان و أزقر
الفرق واضح بيننا دون تفسير
مثل الشتا يابنت يفرق عن الحر
----------------------------------
أبوج عنده معرض للسياير
شي مورد و شي خارج مصدر
عمج يعدونه من اللي مشاهير
محسوب م التجار و ع سيدج أدوار
-----------------------------------
أنا بدوي و أنتي بشهــادة ماجستير
ويحقلي بشهــادة البدو أفخر
ماأغير أطباعي لجل خاطر الغير
يابنت عفوا اعذريني فلا أقدر
---------------------------------
أحب شوف البر و الصيد بالطير
وأرتاح يوم الصيد ف الدار يكثر
هذي حياتي عشتها دون تقصير
و الحمدلله خالق الكون الأكبر
منقوووول للاماانة
تحياتي
سدسون
موضوع: انا بدوي وانتي بشهادة ماجستير 
الجمعة يوليو 06, 2007 10:10 pm
